बेलबारी । दमकबाट तमोर करिडोर हुँदै फिदिम जाँदै गरेको बोलेरोलाई टिपरले ठक्कर दिँदा दुईजनाको घटनास्थलमै मृत्यु भएको छ । पाँचजना घाइते छन् ।

पूर्वपश्चिम लोकमार्गअन्तर्गत मोरङको बेलबारी नगरपालिका–३, पुरानो मालपोतअगाडि आज बिहान भएको दुर्घटनामा दुईजनाको मृत्यु भएको इलाका प्रहरी कार्यालय बेलबारीका प्रमुख एवं प्रहरी निरीक्षक तेजबहादुर दाहालले जानकारी दिए ।

उनका अनुसार, पश्चिमबाट पूर्वतर्फ जाँदै गरेको प्र१ख ९६७६ नम्बरको टिपरले पूर्वबाट पश्चिमतर्फ जाँदै गरेको एउटा बसलाई ठक्कर दिँदै सोही दिशामा रहेको मे१ज २८५६ नम्बरको बोलेरोलार्ई ठक्कर दिएको थियो ।

बोलेरोमा सवार झापाको कमल गाउँपालिकाका ५२ वर्षीय यदुकान्त भट्टराई र सोही ठाउँका ४४ वर्षीया गीता खनालको घटनास्थलमै मृत्यु भएको र पाँचजना गम्भीर अवस्थामा रहेका प्रहरी निरीक्षक दाहालले बताए ।

विराटनगरस्थित न्युरो अस्पतालमा घाइतेको उपचार भइरहेको प्रहरीले जनाएको छ । रासस