काठमाडौं । इसेवाले ‘मेरो यात्राको साथी’ नामक अफर सार्वजनिक गरेको छ । अफरअन्तर्गत प्रयोगकर्ताले इसेवाबाट होटेल बुक गर्दा, बसको टिकट काट्दा वा आन्तरिक तथा अन्तर्राष्ट्रिय हवाई टिकट खरिद गर्दा दुई लाख रुपैयाँ जित्न सकिने कम्पनीले जनाएको छ ।
इसेवाले यात्रासम्बन्धीका सेवाको प्रयोगमा प्रयोगकर्ताले क्यासब्याक तथा अन्य आकर्षक पुरस्कार पनि जित्न सकिने बताएको छ । इसेवाले गत वर्ष पनि ल्याएको यो अफरको नाम यस वर्ष ‘मेरो यात्राको साथी दुई’ दिइएको बताएको छ ।
टिकेटिङसम्बन्धी कुनै एक सेवाको प्रयोगमा एक प्रयोगकर्ताले बम्पर उपहार स्वरूप दुई लाख रुपैयाँ जित्न सक्ने कम्पनीले जनाएको छ ।
आन्तरिक हवाईजहाज टिकट खरिदमा प्रत्येक हप्ता एकजनाले सात हजार रुपैयाँसम्मको फुल रिफन्ड क्यास्ब्याक जित्ने कम्पनीले जनाएको छ ।
यस्तै, तीन वा बढी आन्तरिक हवाईजहाजको टिकट बुक गर्नेले तीन सय रुपैयाँसम्मको क्यासब्याक प्राप्त गर्नेछन् । यसका लागि ‘Yatra300– यात्रा ३००’ प्रोमो कोड प्रयोग गर्नुपर्नेछ ।
होटेल बुक गर्दा प्रोमो कोड ‘Hotel200– होटेल २००’ प्रयोग गरेमा दुई सय रुपैयाँ क्यासब्याक प्राप्त गर्न सक्नेछन् ।
बसको टिकट काट्दा कुल आठ प्रयोगकर्ताले (हरेक हप्ता दुईजनाको दरले) अफर अवधिमा सबै रुपैयाँ क्यासब्याक पाउने कम्पनीले जनाएको छ ।
यी दुई विजेता प्रत्येक हप्ता इसेवाको आधिकारिक सामाजिक सञ्जालको पेजमार्फत् घोषणा गरिने कम्पनीले बताएको छ ।
प्रोमो कोड ‘Yatra50– यात्रा ५०’ प्रयोग गरी हरेक दिन पहिलो ५० प्रयोगकर्ताले ५० रुपैयाँ क्यासब्याक प्राप्त गर्न सक्नेछन् ।
इसेवाबाट पहिलो पटक बसको टिकट काट्ने प्रयोगकर्ताले ‘YATRA100– यात्रा १००’ प्रोमो कोडको प्रयोग गरेमा एक सय रुपैयाँ क्यास्ब्याक पाउन सक्नेछन् ।
अन्तर्राष्ट्रिय हवाइजहाजको टिकट खरिदमा हरेक सोमबार बेलुकी ४ देखि ५ बजेसम्म पाँच प्रतिशतका दरले एक हजार ५०० रुपैयाँसम्म क्यासब्याक प्राप्त गर्न सकिनेछ ।
यो अफर फागुन १३ देखि चैत्र १३ गतेसम्म लागु हुने इसेवाले जनाएको छ । यी सबै अफरबारे विस्तृतमा जानकारी इसेवाको आधिकारिक ब्लग तथा सामाजिक सञ्जालमा रहेको इसेवाले जनाएको छ ।
