खेल
![नामिबियाविरुद्ध भुर्तेल ‘गोल्डेन डक’](https://12khari.top/uploads/posts/Kushal-Bhurtel-1708842597.jpg)
काठमाडौं । त्रिदेशीय ट्वान्टी–२० शृंखलाको पहिलो खेलमा नामिबियाविरुद्ध नेपालका ओपनर कुशल भुर्तेल ‘गोल्डेन डक’ भएका छन् । मंगलबार कीर्तिपुरस्थित त्रिवि क्रिकेट मैदानमा नामिबियाले दिएको २०७ रनको लक्ष्यसहित मैदानमा उत्रिएको नेपालले इनिङको पहिलो बलमै ओपनर भुर्तेललाई गुमाएको हो ।
भुर्तेललाई रुबेल ट्रम्पेलमेनले एलबीडब्ल्यूको धरापमा पारेका थिए । दोस्रो इनिङको पहिलो ओभर सकिँदा नेपालले एक विकेट गुमाएर सात रन बनाएको छ ।
त्यसअघि, टस जितेर ब्याटिङमा उत्रिएको नामिबियाले निर्धारित २० ओभरमा चार विकेट गुमाएर २०६ रन बनाएको थियो ।
प्रकाशित मिति: मंगलबार, फागुन १५, २०८० १३:२३
प्रतिक्रिया दिनुहोस्