काठमाडौं । कुमारी बैंक लिमिटेडको २३औँ वार्षिक साधारणसभा सम्पन्न भएको छ । बैंकले आइतबार काठमाडौंको त्रिभुवन आर्मी अफिसर्स क्लबमा साधारणसभा सम्पन्न गरेको हो ।

सभाबाट सामान्य प्रस्तावको रूपमा पेस गरिएको आर्थिक वर्ष २०७९/०८० को सञ्चालक समितिको वार्षिक प्रतिवेदन, लेखापरीक्षण प्रतिवेदनसहित आर्थिक वर्ष २०७९/०८० असार मसान्तसम्मको वासलात, नाफा–नोक्सान हिसाब लगायतका वित्तीय विवरण र आर्थिक वर्ष २०८०/०८१ को लागि बाह्य लेखापरीक्षक नियुक्ति तथा उसको पारिश्रमिक तोक्ने प्रस्ताव पारित गरिएको छ ।

साधारणसभामा भएको सञ्चालकहरूको चुनावमा संस्थापक शेयरधनी समूहबाट अमिरप्रताप राणा, कर्मचारी सञ्चय कोषका प्रतिनिधि विजयकुमार श्रेष्ठ, पशुपति मुरारका तथा सर्वसाधारण शेयरधनी समूहबाट महेशप्रसाद पोखरेल, राजाराम खड्का र सर्वसाधारण सेयरधनी समूह महिलातर्फबाट सिम्रन अग्रवाल निर्वाचित भएका छन् ।