काठमाडौं । चलचित्र ‘अगस्त्य च्याप्टर १’ले भ्यालेन्टाइन डेको छेको पारेर प्रेमभावको गीत सार्वजनिक गरेको छ । फागुन १८ गते रिलिज हुने चलचित्रको ‘मायामा तिम्रै मायामा’ बोलको गीत सार्वजनिक गरिएको हो ।
 
एसडी योगी र विज्ञानी पराजुलीको स्वर रहेको गीतमा योगीकै संगीत छ । गीतमा सबिन एकतारेको शब्द छ । 

गीतको भिडियोमा प्रमुख कलाकार सौगात मल्ल, मलिका महत र रवीन्द्र झालगायत फिचर्ड छन् ।

सौरभ चौधरीको लेखन तथा निर्देशन रहेको चलचित्रमा सौगात, मलिका र वीन्द्रसँगै नाजिर हुसेन, निश्चल बस्नेत, प्रमोद अग्रहरि, बेन बस्नेत, विजय बराल,  शिशिर वाङ्देल, सिम्रन खड्कालगायत कलाकार मुख्य भूमिकामा छन् ।