काठमाडौं । विशेष अदालतले नक्कली बैक ज्ञारेन्टी बनाएर ठेक्का हत्याउने शिवनन्दन पासवानलाई दुई वर्ष कैद र ४२ लाख जरिबाना हुने फैसला गरेको छ । विशेष अदालतले बिहीबार नक्कली बैक ज्ञारेन्टी परे गरेर लालबन्दी नगरपालिका भवन निर्माणको ठेक्का लिएका पासवान दोषी ठहर भएका हुन् । 

निर्माणकर्ता कम्पनी लोकवीर बेताली र पाँच कुमारी जेभीका पार्टनर पासवान दोषी हुँदा अनिल गुप्ताले भने सफाई पाएका छन् । नक्कली एड्भान्स पेमेन्ट ज्ञारेन्टी बनाएर पासवानले नगरपालिकाबाट ४२ लाख भुक्तानी लिएका थिए ।

अख्तियारले ०७८ भदौ २२ मा दायर गरेका रिटमा फैसला गर्दै विशेष अदालतका न्ययायाधीशहरू अध्यक्ष टेकनारायण कुँवर र सदस्यहरू तेजनारायणसिंह राई र मुरारीबाबु श्रेष्ठको इजालासले नक्कली बैक ज्ञारेन्टी बनाइदिने नेपाल बैकका मंलगवा शाखा, ऋण फाँटमा सहायक पदमा कार्यरत सन्तोष विक्रम शाहलाई पनि दोषी ठहर गरेका छन् । तर, उनलाई सजाय निर्धारणका लागि भने आगामी फागुन १३ गतेको पेसी तोकेको छ ।