काठमाडौं । प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले टीआरसीलगायत विधेयक सहमति नभए प्रक्रियाबाट पारित गरिने बताएका छन् ।

मंगलबार सिंहदबारमा बसेको पार्टी संसदीय दलको बैठकमा उनले सहमतिबाट नै विधेयक पारित गर्न पहल गरिने जानकारी गराए । उनले संसद्‌मा प्रभावकारी भूमिका निर्वाह गर्न सांसदहरूलाई निर्देशन पनि दिए ।

• राष्ट्रियसभा अध्यक्षमा माओवादीको पनि दाबी, प्रचण्डले गरे दलमा ब्रिफिङ

हिउँदे अधिवेशनमा संसद्‌मा टेबल भएका सबै विधेयक पारित गर्न पहल गरिने उनले बताए । “योपटक संघीय लोकतान्त्रिक गणतन्त्रलाई सुदृढ गर्न आवश्यक ऐन सबै पारित हुन्छ । सकेसम्म सर्वसम्मत नभए प्रक्रियामा गएर पास गर्छौँ,” प्रधानमन्त्रीको भनाइ उद्धृत गर्दैै सांसद लेखनाथ दाहालले बाह्रखरीसित भने ।