काठमाडौं । लागुऔषध मुद्दामा पक्राउ परेका थुनुवालाई भगाएको आरोप लागेका पूर्वप्रहरी जवान वीरवल यादव पक्राउ परेका छन् ।

प्रहरीको उपत्यका अपराध अनुसन्धान कार्यालयले यादवलाई पक्राउ गरेको हो । काठमाडौं प्रहरीले पक्राउ गरेका भारतीय नागरिक असरफलाई थुनामै रहेका बेला २०६४ सालमा भगाएका थिए । त्यतिबेला काठमाडौं प्रहरी परिसरमै कार्यरत रहेका तत्कालीन इन्सपेक्टर प्रजित केसीको किर्ते हस्ताक्षर गरेर थुनुवा कक्षभित्रबाट बाहिर निकालेर भगाएका थिए ।

उनलाई भगाएर आफू समेत प्रहरीको जागिर छाडेर भारत पुगेका थिए । प्रहरीका अनुसार त्यो बेला एक करोड रुपैयाँ पाउने प्रलोभनमा थुनुवालाई भगाएको थियो । थुनवालाई भगाएपछि भने ६ लाख रुपैयाँ मात्रै पाएको खुलेको छ ।