![नेप्से चार अंकले घट्यो, तीन अर्ब ७६ करोडको कारोबार](https://12khari.top/uploads/posts/Share-Nepse-Bear1-1702624281.jpg)
काठमाडौं । नेप्से परिसूचक झिनो अंकले घटेर बन्द भएको छ ।
बिहीबार बजार ३.९४ अंकले घटेर बन्द भएको हो । बजार २०८४.०९ विन्दुमा बन्द भएको छ । यस दिन तीन अर्ब ७६ करोड ४५ लाख रुपैयाँको सेयर खरिद–बिक्री भएको छ । बुधबार तीन अर्ब ८९ करोड ७० लाख रुपैयाँको सेयर कारोबार भएको थियो ।
९१ कम्पनीको सेयर मूल्य वृद्धि भएको छ भने १४१ कम्पनीको सेयर मूल्य घटेको छ । त्यस्तै १५ कम्पनीको सेयर मूल्य भने स्थिर छ ।
यस दिन साम्लिङ पावर कम्पनीको सेयर मूल्य ९.९९ प्रतिशतले वृद्धि भएको छ । हिमालयन रिइन्स्योरेन्सको सर्वाधिक मूल्यको कारोबार भएको छ । यो कम्पनीको २८ करोड ६७ लाख रुपैयाँको सेयर खरिद–बिक्री भएको छ ।
कारोबारमा आएका १३ समूहमध्ये पाँच समूहको परिसूचक वृद्धि भएको छ भने बाँकी समूहको परिसूचक घटेको छ ।
होटेल तथा पर्यटन समूहको परिसूचक सर्वाधिक घटेको छ । यो समूहको परिसूचक १.०३ प्रतिशतले घटेको छ ।