काठमाडौं । दराज नेपालले ग्राहकलक्षित नयाँ योजना सार्वजनिक गरेको छ । दराजले ग्राहकलाई सहज, सरल र सुरक्षित बनाउने उद्देश्यसहित ‘फ्री डेलिभरी फेस्टिभल’ योजना सार्वजनिक गरेको हो ।

पहिलोपटक ल्याइएको यो योजनाअन्तर्गत ग्राहकले निःशुल्क डेलिभरी प्राप्त गर्न सक्नेछन् । यसबाहेक ग्राहकले ७० प्रतिशतसम्मको मेगा डिल्स, एक हजार रुपैयाँसम्मको मेगा भोउचर, एक हजार रुपैयाँसम्मको प्रि–पेमेन्टलगायत छुट प्राप्त गर्न सक्नेछन् ।

यही माघ ९ गतेदेखि सुरु हुने यो योजनाअन्तर्गत फेसन, लाइफ स्टाइल, ब्युटीलगायत विभिन्न विधाका सामान खरिद गर्न सकिने दराज नेपालले जनाएको छ ।

बजारमा महँगीसँगै व्यवसायीको ढुवानी शुल्क बढेको भन्दै दराजले उपभोक्तालाई अनलाइन किनमेल महँगो हुन पुगेको निष्कर्ष निकालेको छ । यही विषयलाई मध्यनजर गर्दै दराजले फ्री डेलिभरी फेस्टिभल योजना सार्वजनिक गरेको हो ।

फ्री डेलिभरी फेस्टिभलले खरिदकर्तालाई घरदेखि बजारसम्मको दोहोरो यात्रा गर्नु नपर्ने र ठाउँमै सामान पुर्‍याउने व्यवस्था गरेर अधिकतम बचत गर्न मद्दत गर्ने कम्पनीले जनाएको छ ।

काठमाडौं र मुख्य सहरहरूमा मात्र नभई ग्रामीण क्षेत्रका सीमान्तकृत समुदायमा पनि सेवा विस्तार गर्न राष्ट्रव्यापी डेलिभरी प्रदान गरिने कम्पनीले जनाएको छ ।

दराज नेपालमा आबद्ध विक्रेताको सामग्री सहज र सुपथ मूल्यमा ग्राहकसम्म पुर्‍याउने आफूहरूको मुख्य उद्देश्य रहेको दराजका प्रमुख परिचालन अधिकृत विमल अर्यालले बताए ।

फ्री डेलिभरी फेस्टिभलमा बैंक कार्ड वा डिजिटल वालेटबाट अग्रिम भुक्तानी गरेमा विशेष छुट र थुप्रै अफर प्राप्त गर्न सकिने बताइएको छ ।

ग्राहकले डेबिट कार्ड प्रयोग गरेर अग्रिम भुक्तानी गरेमा १५ प्रतिशत वा ७५० रुपैयाँसम्म, क्रेडिट कार्ड प्रयोग गरेमा २० प्रतिशत वा एक हजार रुपैयाँसम्मको छुट प्राप्त गर्न सक्नेछन् ।

दराजको फ्री डेलिभरी फेस्टिभल सीमित अवधिका निम्ति लागु हुने कम्पनीले जनाएको छ ।