काठमाडौं । वानीरा फाउन्डेसनका संस्थापक तथा संरक्षक शंकर गिरीले नइ प्रकाशनबाट प्रकाशित चार पुस्तकको लोकार्पण गरेका छन् ।

बिहीबार काठमाडौंमा आयोजित कार्यक्रममा गिरीले नरेन्द्रराज प्रसाईद्वारा लिखित तथा अणुराज जोशीको अनुवाद रहेको ‘प्रेमा शाह’, डा. ध्रुव शर्मा मुडभरीको आत्मकथा ‘लुकेको वृतान्त’, नारायणप्रसाद मिश्रबाट रचित कवितासंग्रह ‘विरह’ र नरेन्द्रराज प्रसाईंकै अर्को कृति ‘भारतीय नेपाली प्राज्ञ राजनारायण प्रधान’ लोकार्पण गरेका हुन् ।

फाउन्डेसनद्वारा आयोजित कार्यक्रममा अनुवादक अणुराज जोशी तथा डा. अनिष मुडभरीले लोकार्पित कृतिहरूका विषयमा मन्तव्य राखेका थिए । 

कार्यक्रममा वानीरा फाउन्डेसनका अध्यक्ष इन्दिरा प्रसाई, सदस्यसचिव नरेन्द्रराज प्रसाई, भगवती बस्नेतलगायतले बोलेका थिए ।