site stats
बाह्रखरी :: Baahrakhari
राजनीति
Global Ime bankGlobal Ime bank
राष्ट्रियसभा निर्वाचन : उजुरी खारेज, विकको उमेदवारी कायमै 
निर्वाचन आयोगको कार्यालय ।

काठमाडौं । राष्ट्रियसभा सदस्य निर्वाचनअन्तर्गत कर्णाली प्रदेशमा दलित समूहतर्फ विष्णु विकको उमेदवारी कायम भएको छ । नेकपा (माओवादी केन्द्र)का उनले सत्ता गठबन्धनका तर्फबाट उमेदवारी दिएका हुन् । सहायक निर्वाचन अधिकृत उज्जवलदेव रावलले विकको उमेदवारी कायम भएको जानकारी दिए ।

नेकपा (एमाले)का हिक्मत विकले विष्णुको नाम प्रतिनिधिसभा सदस्यको बन्दसूचीमा रहेको भन्दै उजुरी दिएका थिए । उनले बन्दसूचीमा रहेका व्यक्ति उमेदवार हुन नपाउने भन्दै खारेजीको माग गरेका थिए ।

तर, निर्वाचन आयोगले विकले बन्दसूचीबाट नाम फिर्ता लिएर उमेदवारी दिएको जानकारी गराएको रावलले बताए ।

“बन्दसूचीमा नाम रहेको भनी उजुरी परेको थियो । तर, निर्वाचन आयोगको बन्दसूचीबाट नाम हटिसकेको रहेछ, त्यसैले उहाँको उमेदवारी कायम भएको छ,” उनले बाह्रखरीसित भने ।

उमेदवारविरुद्धको उजुरीमाथि छानबिन गरी आज नामावली प्रकाशित गर्ने कार्यसूची छ । कर्णालीमा तीन सिटका निम्ति ६ जनाले उमेदवारी दिएका छन् ।

प्रकाशित मिति: बिहीबार, पुस २६, २०८०  १४:०३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro