काठमाडौं । नेकपा (एमाले)ले राष्ट्रियसभा सदस्य निर्वाचनका निम्ति मधेस प्रदेशको अन्य समूहतर्फ उमेदवार बनाउन लागेका अर्जुनसिंह राजपूतको नाम मतदाता नामावलीमा नभेटिएपछि उनी त्यसै फर्किएका छन् ।

सोमबार उमेदवारी मनोनयनका निम्ति जनकपुरधामस्थित प्रदेश निर्वाचन कार्यालयमा पुगेका राजपूतको नामावली ‘लिस्ट’मा नभेटिएको एमाले मधेस प्रदेशका सचिव मनोज पौडेलले जानकारी दिए ।

उनका अनुसार, अब सो पदमा विजेता झालाई उमेदवार बनाइनेछ । झाको उमेदवारी दर्ता प्रक्रियामा रहेको पौडेलले बताए । “अहिले उमेदवारी दर्ताको प्रक्रियमा छौँ,” उनले बाह्रखरीसित भने ।