काठमाडौं । नेपाल निर्यात परिषद्का अध्यक्ष रेशमबहादुर पोखरेल व्यापार घाटामा सुधार गर्न सरकारले निर्यातमैत्री वातावरण बनाउनुपर्ने बताएका छन् ।

परिषद्को २६औँ वार्षिक साधारणसभा तथा आठौँ निर्यात दिवसका अवसरमा आयोजित कार्यक्रममा उनले व्यापार घाटा कम गर्न निर्यातलाई प्रोत्साहन गर्नुपर्नेमा जोड दिए । निर्यातलाई प्रोत्साहन गर्न सकेमा देशको आर्थिक विकासमा टेवा पुग्ने उनले बताए ।

निर्यातमुखी वातावरण बनाउन समेत उनले सरकारको ध्यानाकर्षण गराए । मुलुकमा निर्यातको धेरै सम्भावना हुँदा पनि सरकारले त्यस्ता वस्तुको पहिचान गर्न नसकेको उनको भनाइ छ ।