काठमाडौं । सुनसरीको धरान उपमहानगरपालिका–५, किसान चोकबाट संरक्षित सालकको खपेटासहित दुईजना पक्राउ परेका छन् । ३४० ग्राम सालकको खपेटासहित उनीहरूलाई शनिबार राति प्रहरीले पक्राउ गरेको हो । 

पक्राउ पर्नेहरूमा सोही ठाउँ ससुराली घरमा बस्ने संखुवासभाको चिचिला गाउँपालिका–३ घर भएका २८ वर्षीय सन्दीप राई र धरान उपमहानगरपालिका–१६ डेरा गरी बस्ने संखुवासभाको धर्मदेवी गाउँपालिका–३ घर भएका २१ वर्षीय मनोज तामाङ रहेका छन् । 

इलाका प्रहरी कार्यालय धरानबाट खटिएको प्रहरीले राईको कोठा तलासी गर्ने क्रममा खपेटासहित पक्राउ गरेको हो । साथै थप सोधपुछ गर्ने क्रममा मनोज तामाङबाट उक्त खपेटा लिएको भनी खुल्नआएपछि उनलाई समेत प्रहरीले पक्राउ गरेको हो ।