काठमाडौं । दिल्लीस्थित इजरायली दूतावास नजिकै 'विस्फोटको आवाज आएपछि' घटनास्थल पुगेको प्रहरी रित्तो हात फर्किएको छ ।

मंगलबार साँझ दिल्ली प्रहरीलाई इजरायली दूतावासनजिकै विस्फोटको आवाज सुनिएको दाबीसहितको फोन आएको थियो ।

लगत्तै घटनास्थल पुगेको प्रहरी टोलीले कुनै शंकास्पद वस्तु फेला नपारेपछि रित्तो हात फर्किएको हो ।

तर, दूतावासबाट केही मिटर परको दूरीमा इजरायली राजदूतलाई सम्बोधन गरिएको चिठी फेला परेको छ ।

प्रहरीले चिठीले बेरेको झन्डा पनि फेला पारेको छ । चिठीलाई प्रहरीले बरामद गरेको थियो ।

इजरायलका उपराजदूतले एक भिडियो वक्तव्यमा भनेका छन्, "आज साँझ ५ बजेको केही मिनेटपछि दूतावासनजिकै विस्फोट भएको थियो । हाम्रा सबै कामदारहरू सुरक्षित छन् । हाम्रा कूटनीतिज्ञहरू सुरक्षित छन् । हाम्रा सुरक्षा टोलीहरूले स्थानीय सुरक्षाकर्मीसँगको सहयोगमा काम गरिरहेका छन् । ।"

एनडीटीभीबाट ।