काठमाडौं । फेसबुकमा  नाबालिकामाथि अश्लील क्रियाकलाप गरेर मानसिक यातना दिएको आरोप लागेका एकजना पक्राउ परेका छन् । पक्राउ पर्नेमा प्युठानको सरुमारानी गाउँपालिका वडा नम्बर १ का ३३ वर्षीय सगीर अहमद रहेका छन् ।

उनलाई नेपाल प्रहरी प्रधान कार्यालय इन्टरपोल शाखाको सहयोगमा 'रेड कर्नर नोटिस' जारी गरेर दुबईबाट नियन्त्रणमा लिइएको हो ।

प्रहरीका अनुसार उनले फेसबुकमा नाबालिकालाई बारम्बार दुःख, हैरानी तथा मानसिक यातना दिने गरेका थिए । नाबालिकाका अभिभावकले अनुसन्धान गरिदिन प्रहरीमा निवेदन दिएका थिए ।

उनीमाथि आवश्यक कारबाही भइरहेको प्रहरीले जनाएको छ ।