काठमाडौं । संकृति, पर्यटन तथा नागरिक उड्डयन मन्त्रालयले भैरहवास्थित गौतमबुद्ध अन्तर्राष्ट्रिय विमानस्थलाई पूर्णक्षमतामा सञ्चालनका आवश्यक नीतिगत कामहरूलाई अगाडि बढाउन निर्देशन दिएको छ ।

सोमबार सरोकारवाला पक्षसँगको अन्तर्क्रियाका क्रममा मन्त्रालयका अधिकारीहरूले सम्बन्धित कार्यालयहरूलाई नीतिगत कामहरू अगाडि बढाउन भनेका हुन् ।

अन्तर्क्रियामा गौतमबुद्ध अन्तर्राष्ट्रिय विमानस्थलका महानिर्देशक हंशराज पाण्डेले विमानस्थलको अवस्थाबारे जानकारी गराएका थिए ।

निजी विमान सञ्चालकहरूले नयाँ विमानस्थलमा जहाज सञ्चालक एवं पर्यटकहरूलाई समेत केही सुविधा दिइनुपर्ने बताएका थिए ।