![प्रि–सिजन एसिया भ्रमणमा इन्टर मियामीले अल नासरसँग खेल्ने](https://12khari.top/uploads/posts/Inter-1702373074.png)
काठमाडौं । अमेरिकी मेजर लिग सकर (एमएलएल)को टिम इन्टर मियामीले प्रि–सिजन एसिया भ्रमणमा साउदी अरेबियन क्लब अल नासर र अल हिलालसँग खेल्ने भएको छ ।
मियामीले मंगलबार सामाजिक सञ्जालमार्फत प्रि–सिजन एसिया भ्रमणमा साउदी अरेबियाका दुई शीर्ष क्लबसँग खेल्ने पुष्टि गरेको हो । योसँगै अर्जेन्टिनी कप्तान लियोनल मेसी र पोर्चुगलका कप्तान क्रिस्टियानो रोनाल्डो पुनः एकपटक आमने–सामने हुने निश्चित भएको छ ।
मेसीले मियामीको कप्तानी सम्हालिरहँदा रोनाल्डो अल नासरका कप्तान हुन् । यो खेल आगामी वर्षको फेब्रुअरी १ मा हुनेछ ।
त्यसअघि मियामीले ब्राजिलियन फरवार्ड नेइमारको टिम अल हिलालसँग खेल्ने छ । यो खेल जनवरी २९ मा हुनेछ । यी दुवै खेल रियादस्थित किंगडम एरिना रंगशालामा हुनेछ ।