विराटनगर । विराटनगरमा एक कबाडी गोदाममा आगलागी भएको छ। 

विराटनगर महानगरपालिका–७ स्थित जलजला मोडमा रहेको गोदाममा आज अपराह्न आगलागी भएको प्रहरीले जनाएको छ । 

जिल्ला प्रहरी कार्यालय मोरङका अनुसार आगो नियन्त्रणमा लिने क्रममा पाँचजना घाइते भएका छन् । उनीहरूलाई उपचारका लागि न्यूरो र कोसी अस्पताल पठाइएको छ ।

जिप्रका मोरङका प्रवक्ता डीएसपी रञ्जनकुमार दाहालले आगलागीबाट भएको क्षतिको जानकारी आउन बाँकी रहेको बताए । आगलागी नियन्त्रण गर्न विराटनगरसहित सुनसरीबाट दमकल मगाइएको थियो । गोदाममा विभिन्न कबाडीका सरसामान भण्डारण गरिँदै आएको थियो ।