काठमाडौं । माछापुच्छ्रे बैंकले पीओएस (पोस) मेसिनमा ध्वनिबाट पनि तत्काल कारोबारको सूचना पाइने प्रविधि ल्याएको छ ।

बैंकले फिनपोस (एफआईएन पीओएस) ब्रान्डको मेसिनमा रिसिप्टसँगै ध्वनि (साउन्ड)बाट पनि भुक्तानीको सूचना दिने प्रविधि सुरु गरेको हो ।

यससँगै फिनपोसका मर्चेन्टले कार्ड, क्यूआर (नेपाल पे वा फोनपे) र एम स्मार्ट एनएफसीमार्फत भुक्तानी प्राप्त गर्दा कारोबार सफल भएको जानकारी ध्वनिबाट पनि पाउने बैंकले जनाएको छ ।

हाल माछापुच्छ्रे बैंकले देशका सात वटै प्रदेशमा १६५ शाखा, १२ एक्सटेन्सन काउन्टर, १३० शाखारहित बैंकिङ सेवा, २०३ एटीएममार्फत १५ लाखभन्दा बढी ग्राहकलाई सेवा प्रदान गर्दै आइरहेको छ ।