काठमाडौं । नेपाली कांग्रेसका नेता एवं पूर्वमन्त्री विमलेन्द्र निधिले लोकतन्त्र विरोधी केही व्यक्तिले हल्ला गर्दैमा व्यवस्था परिवर्तन नहुने बताउका छन् ।

शनिबार जनकपुरमा आयोजित एक कार्यक्रममा उनले नेपाली जनताकै आन्दोलनको बलमा मुलुक संघीय गणतन्त्रात्मक व्यवस्था आएकाले त्यसलाई बदल्ने शक्ति कसैमा पनि नरहेको जिकिर गरे ।

निधिले अर्को प्रसंगमा २०८४ सम्म यही गठबन्धनको सरकार टिक्ने दाबी समेत गरे  । उनले भने, “अहिले माओवादी केन्द्रको नेतृत्वमा सरकार छ । यसपछि एकीकृत समाजवादी र कांग्रेस नेतृत्वको सरकार रहनेछ ।”

गठबन्धनभित्र तीन प्रधानमन्त्रीले यो कार्यकाल चलाउने सहमति भएको र अहिलेसम्मको यही सहमतिअनुसार गठबन्धन चलिरहेको उनले बताए । कार्यक्रममा लोकतान्त्रिक समाजवादी पार्टी परित्याग गरेका मनोज चौधरी नेतृत्वको समूहलाई नेता निधिले कांग्रेसमा स्वागत गरे ।