काठमाडौं । गायिका मेनुका पौडेलको गायकीको बलिउड अभिनेता रणवीर कपुरले तारिफ गरेका छन् । इन्डियन आइडलको मञ्चमा अतिथिको रूपमा पुगेका रणवीरले आफ्नो नाम बताउँदै मेनुकाको गायकीको तारिफ गरेका हुन् । 
 
रणवीरले मेनुकालाई ‘संगीतकी देवी’ भन्दै उनीसँग आशीर्वाद लिन चाहेको बताएका छन् । रणवीरले मेनुकाको पाउ छोएर सम्मान गर्दै आशीर्वाद लिएको इन्डियन आइडलको भिडियोमा देखिएको छ । 

मेनुकाले रणवीरकै अघिल्लो चलचित्र ‘अगर तुम साथ हो’ गाउँदा रणवीर भावविह्वल भएर सुनिरहेको देखिन्छ । 

रणवीर आफ्नो चलचित्र ‘एनिमल’को प्रचारका अभिनेत्री रश्मिका मन्दानासँगै इण्डियन आइडलको मञ्चमा पुगेका थिए ।