काठमाडौं । ललितपुर महानगरपालिकाले दुईवटा अत्याधुनिक दमकल भित्राएको छ । 

महानगरपालिकाले खरिद गरेको अमेरिकी मापदण्डको दुईवटा अत्याधुनिक दमकल परिचालनको बुधबार महानगरका प्रमुख चिरीबाबु महर्जनले शुभारम्भ गरे ।

महर्जनले विपद् व्यवस्थापनको सन्दर्भमा गर्नुपर्ने काममा उच्च प्राथमिकता दिएको बताए । नयाँ दमकल अरू दमकल पुग्न नसक्ने ठाउँमा पनि पाइपको माध्यमबाट सहयोग पु¥याउन सकिने उनले बताए ।

पानीले ननिभ्ने आगोलाई फोम हालेर निभाउन मिल्ने दमकलले धेरै नै ठूलो सहयोग पुग्ने उनको भनाइ छ ।   

अमेरिकी मापदण्डका यी दुई दमकल खरिदका लागि २०७९ असोजमा सम्झौता भएको थियो । दुईवटा अत्याधुनिक दमकलको लागत मूल्य पाँच करोड ६५ लाख रुपैयाँ रहेको महानगरले जनाएको छ ।

दमकलले १२० मिटरसम्म उच्च क्षमतामा पानी र केमिकलको फोहोरा हान्न सक्ने बताइएको छ ।