काठमाडौं । इजिप्टका राष्ट्रपति अब्देल–फत्ताह अल–सिसीले गाजामा तत्काल युद्धविरामको आवश्यकता र प्यालेस्टाइनीलाई राहत सहायता पुर्‍याउने विषयमा आफ्नो देशको अडानलाई जोड दिएका छन् । युरोपेली आयोगका अध्यक्ष उर्सुला भोन डर लेयनसँग कायरोमा भएको भेटमा उनले यस्तो बताएका हुन् ।

सो बैठक गाजाविरुद्ध इजरायल युद्धको पछिल्लो घटनाक्रममा केन्द्रित थियो । अल–सिसीले इजिप्टको सम्बन्धित प्रयासको समीक्षा गरेका थिए ।

इजिप्टका राष्ट्रपतिले प्यालेस्टाइनीको अधिकार सुनिश्चित गर्न संयुक्त राष्ट्र सुरक्षा परिषद् र संयुक्त राष्ट्रसंघको महासभाको प्रस्तावलाई अन्तर्राष्ट्रिय समुदायले कार्यान्वयन गर्नुपर्ने आवश्यकतामा जोड दिए । सिन्ह्वा/न्युज एजेन्सी नेपाल