काठमाडौं । एभरेष्ट बैंक लिमिटेडले संस्थागत सामाजिक उत्तरदायित्वअन्तर्गत भूकम्पपीडितलाई २५ लाख रुपैयाँ आर्थिक सहयोग गरेको छ ।

गत शुक्रबार राति जाजरकोट केन्द्रविन्दु भएर गएको  भुकम्पबाट प्रभावितहरूका लागि उद्धार तथा राहत वितरण गर्ने उद्देश्यले बैंकले प्रधानमन्त्री दैवी प्रकोप राहत उद्धार कोषमा उक्त रकम जम्मा गरेको हो ।

उक्त रकमबाट भूकम्प प्रभावितहरूको राहत र उद्धारमा सहयोग पुग्ने र आगामी दिनमा यस्ता सहयोग जारी रहने बैंकले जनाएको छ ।

हाल एभरेष्ट बैंकले १२७ शाखा संजाल, तीन एक्सटेन्सन काउन्टर, सात प्रादेशिक कार्यालय र १६३ एटीएममार्फत सेवा दिँदै आएको छ ।