देश
काठमाडौं । भूकम्प पीडितको बासका लागि जाजरकोटको भेरी नगरपालिकालाई कम्तीमा पाँचहजार त्रिपाल आवश्यक रहेको छ ।
गत शुक्रबार राति जाजरकोटमा गएको भूकम्पबाट जारकोटका तीन स्थानीय तह र पश्चिम रुकुमका दुईवटा स्थानीय तह बढी प्रभावित भएका थिए । तीमध्ये जाजरकोटको भेरी नगरपालिका सबैभन्दा बढी प्रभावित भएका छन् ।
जाजरकोटमा भूकम्पमा परी १०१ जनाको ज्यान गएको थियो । सयौँ परिवार घरविहीन भएका छन् ।
नगरपालिकाका मेयर चन्द्रप्रकाश घर्ती मगरले फेसबुकमार्फत भेरी नगरपालिकामा भूकम्प प्रभावित परिवारलाई बासको व्यवस्थापन गर्न पाँचहजार त्रिपाल आवश्यक रहेको जानकारी दिएका छन् ।
प्रकाशित मिति: मंगलबार, कात्तिक २१, २०८० १७:१०
प्रतिक्रिया दिनुहोस्