site stats
बाह्रखरी :: Baahrakhari
खेल
Global Ime bankGlobal Ime bank
मिडफिल्डर ओमप्रकाश धनगढी एफसीमा अनुबन्ध

काठमाडौं । धनगढी एफसीले नेपाल सुपर लिग (एनएसएल)को दोस्रो संस्करणका निम्ति युवा मिडफिल्डर ओमप्रकाश चौधरीलाई अनुबन्ध गरेको छ ।

‘गो ड्रिमर्स’को स्वामित्वमा रहेको साविक उपविजेता धनगढी एफसीले प्लानिङ ब्वाइजलाई यो वर्ष ‘सी’बाट ‘बी’ डिभिजनमा उकाल्न महत्त्वपूर्ण भूमिका खेलेका ओमप्रकाशलाई भित्र्याएको हो ।

सुदूरपश्चिम–११ स्पोर्ट्स क्लबबाट मोफसलका प्रतियोगिता खेलेका ओमप्रकाश र धनगढी एफसीका अध्यक्ष सुवास शाहीले सम्झौतापत्रमा हस्ताक्षर गरेका छन् । ओमप्रकाशले स्थानीय खेलाडीका रूपमा आफ्नै सहरको टिमसँग अनुबन्ध हुन पाउँदा खुसी व्यक्त गरे ।

“धनगढी एफसीमा सम्झौता गर्न पाउँदा एकदमै खुसी छु । पहिलो सिजनको उपविजेता टोलीमा सम्झौता गर्न पाउँदा निकै हर्षित छु । यसपटक टोलीमा पाएका मौकाहरूको पूर्ण सदुपयोग गर्दै टोलीलाई एक स्थान माथि पुर्‍याउन भूमिका खेल्ने प्रतिबद्धता जनाउँछु । अवसरका लागि टोली सम्पूर्ण टोली व्यवस्थापकलाई धन्यवाद ज्ञापन गर्दछु,” उनले भने ।

धनगढी एफसीका अध्यक्ष शाहीले मिडफिल्डर ओमप्रकाशलाई स्वागत गर्दै टोली थप मजबुद बन्ने विश्वास व्यक्त गरे ।

“धनगढी एफसीमा यस सिजन युवा प्रतिभावान् मिडफिल्डर ओमप्रकाश चौधरीलाई सम्झौता गर्दा हामी एकदमै उत्साहित छौँ । ठूला प्रतियोगिताहरूमा युवाहरूले एक्सोजर पाउनु आवश्यक ठान्दै र उहाँको प्रतिभाको कदर गर्दै हामीले उहाँलाई भित्र्याएका हौँ,” शाहीले भने ।

धनगढी एफसीले यसअघि युरोपियन लिग खेलिसकेका सेनेगल राष्ट्रिय फुटबल टोलीका पूर्वरक्षक फलू डियाग्ने र नेपाली फुटबलमा सफल देखिएका ओलावाले अफिजलाई अनुबन्ध गरिसकेको छ  ।

नेपाल सुपर लिगको दोस्रो संस्करण आउँदो मंसिर ८ देखि पुस २१ गतेसम्म काठमाडौंको दशरथ रंगशालामा हुँदै छ ।

एनएसएलको यो सिजनका लागि धनगढी एफसीको मार्की खेलाडीमा नेपाली राष्ट्रिय टिमका मिडफिल्डर आशीष चौधरी रहेका छन् । आशीषले सहिद स्मारक लिग ‘ए’ डिभिजन लिगमा चर्च ब्याइज युनाइटेडबाट खेल्दै टोलीलाई विजेता बनाउन महत्त्वपूर्ण भूमिका निर्वाह गरेका थिए ।

यस्तै, अक्सनबाट धनगढी एफसीले साइमन लिम्बू, निशान लिम्बू, मिलन राई, सुरेश कुमाल, रन्दीप पौडेल, मनोज राई, कमल श्रेष्ठ, टेकेन्द्र सिंह थापा, देवेन्द्र तामाङ, हेमन्त श्रेष्ठ, अभिषेक गुरुङ, कृतिशरत्न छुन्जु र रामचन्द्र वाजीलाई अनुबन्ध गरिसकेको छ ।

प्रशिक्षकमा धनगढी एफसीले युगोलकिशोर राईलाई निरन्तरता दिएको छ । धनगढी एफसीले आफ्नो पहिलो खेल नोभेम्बर २६ मा वीरगन्ज युनाइटेडसँग खेल्ने तालिका छ ।

प्रकाशित मिति: सोमबार, कात्तिक २०, २०८०  १२:२९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro