काठमाडौं । चिनियाँ राष्ट्रपति सी चिनफिङले कर्णाली प्रदेशमा गएको भूकम्पबाट ठूलो जनधनको क्षतिको खबरले आफू स्तब्ध भएको बताएका छन् । शनिबार राष्ट्रपति रामचन्द्र पौडेललाई शोक सन्देश पठाउँदै सीले मृतकप्रति श्रद्धाञ्जली र शोकसन्तप्त परिवारजनमा गहिरो समवेदना व्यक्त गरेका छन् ।
चिनियाँ राष्ट्रपति सीले घाइतेहरूको शीघ्र स्वास्थ्यलाभको कामना गरेका नेपालका निम्ति चिनियाँ राजदूत छन सोङले सामाजिक सञ्जाल एक्समा उल्लेख गरेका छन् ।
सीले विपद्मा नेपाललाई आवश्यक सहयोग गर्न चीन इच्छुक रहेको पनि बताएका छन् ।
On Nov 4th, Chinese President Xi Jinping sent a message of condolence to Nepali president @RcPaudelNepal over the strong earthquake in Nepal.
In his message, Xi said he was shocked to learn of the strong earthquake in Nepal's Karnali Province, which caused heavy casualties and…— Ambassador Chen Song (@PRCAmbNepal) November 5, 2023
शनिबारै चिनियाँ प्रधानमन्त्री ली छ्याङले पनि समवेदना व्यक्त गरेका छन् ।
शनिबार राजदूत सोङले चीनले सो भूकम्पपीडितका निम्ति १० करोड रुपैयाँबराबरको राहत सामग्री उपलब्ध गराउने जानकारी गराएका थिए ।
शुक्रबार राति ११ बजेर ४७ मिनेटमा कर्णाली प्रदेशको जाजरकोट केन्द्रविन्दु भएर गएको ६.४ म्याग्निच्युडको भूकम्पका कारण जाजरकोट र रुकुम पश्चिममा ठूलो जनधनको क्षति भएको छ ।
-1716278128.jpg)
-1723532556.jpg)
-(1)-1723345266.jpg)
