काठमाडौं । दोलखाको भीमेश्वर नगरपालिका–७,चरंगेमा आज मोटरसाइकल दुर्घटना हुँदा चालकको मृत्यु भएको छ ।

वाग्मती प्रदेश ०२–०४४ प ६८८३ नम्बरको मोटरसाइकल  बिहान अनियन्त्रित भइ पल्टिएको थियो ।

मृत्यु हुनेमा दोलखाकै गौरीशंकर गाउँपालिका–५ सुरीका ४० वर्षीय रामकुमार खड्का रहेका छन् ।

दुर्घटनामा गम्भीर घाइते भएका उनको उपचारको क्रममा सामुदायिक अस्पताल चरिकोटमा मृत्यु भएको प्रहरी चौकी सातदोबाटो दोलखाले जनाएको छ ।