काठमाडौं । साताको अन्तिम कारोबार दिन सेयर बजार मापक नेप्से परिसूचक २० अंकले घटेको छ । 

बिहीबार नेप्से २०.१६ अंकले घटेर १८७४.६० को विन्दुमा बन्द भएको हो । कारोबार रकममा भने सुधार  देखिएको छ । 

२९२ धितोपत्रको ७५ लाख ५८ हजार ५४२ कित्ता एक अर्ब ७० करोड रुपैयाँमा कारोबार भएको छ । अघिल्लो कारोबार दिन ३७ लाख ३३ हजार ५२४ सेयरको एक अर्ब आठ करोड रुपैयाँमा कारोबार भएको थियो ।

घटेको बजारमा भगवती हाइड्रोपावर डेभलपमेन्ट कम्पनी र मिटसोलु हाइड्रोपावर लिमिटेडको शेयरमूल्य १० प्रतिशत वृद्धि भएको छ ।

बुधबारबाट कारोबारमा आएको हाथवे इन्भेस्टमेन्ट नेपालको शेयरमूल्य ९.९८ प्रतिशतले वृद्धि भएको छ । सिटी होटेल लिमिटेडको शेयरमूल्य ९.०९ प्रतिशतले घटेको छ । 

कारोबार आएको १३ उपसमूहमध्ये म्युचुअल फन्ड उपसमूहको समूहगत परिसूचक ०.१६ प्रतिशतले बढेको छ । १२ वटा उपसमूहको समूहगत परिसूचक घटेको छ ।