काठमाडौं । सन् २०२३ को सात महिनामा भारतको विद्युतीय सवारी (ईभी) निर्यात २४६.३ प्रतिशतले बढेको छ ।

भारतको वाणिज्य विभागको निर्यात–आयात डाटा बैंकले नेपाल र युरोपबाट अत्यधिक माग बढेपछि ईभीको निर्यात उच्च भएको बताएको छ ।

सन् २०२२ मा सात हजार ९८८ लाख भारतीय रुपैयाँ बराबरको ईभी निर्यात भएको थियो ।

तर, यस वर्ष सन् २०२३ को सात महिनामै २१ हजार ३९१ लाख भारतीय रुपैयाँ बराबरका ईभी निर्यात भएको भारतको वाणिज्य विभागले बताएको हो ।

भारतको ईभी निर्यात वृद्धिमा नेपालको महत्वपूर्ण हिस्सा रहेको विभागले जनाएको छ । 

यस्तै, भारतको ईभी निर्यातका लागि युरोप उदयीमान बजार बनेको छ ।

सन् २०२२ मा १६८ लाख भारतीय रुपैयाँ बराबरको निर्यात भएको फ्रान्समा यस वर्षका सात महिनामै दुई हजार ३६७ लाख रुपैयाँ बराबरको निर्यात भएको बताइएको छ ।

जमर्नी, चीन र बेलायत लगायत देशमा पनि भारतीय ईभी निर्यात भइरहेको छ ।

भियतनाम, ब्राजिल, ग्वाटेमाला र अष्ट्रेलिया भारतको नयाँ निर्यात सूचीमा थपिएका छन् भने, अमेरिका, माल्दिभ्स, न्युजिल्यान्ड र पोर्चुगल भारतीय ईभी निर्यातको बजारबाट टाढा रहेको छन् ।