![पूर्वमन्त्री रामकुमार श्रेष्ठ भ्रष्टाचारी ठहर, ९८ लाख जरिवाना र ६ महिना कैद सजाय](https://12khari.top/uploads/posts/Raj Kumar Shreshtha1645957262.jpg)
काठमाडौं । पूर्वमन्त्री रामकुमार श्रेष्ठ भ्रष्टाचारमार्फत अकुत सम्पत्ति आर्जन मुद्दामा दोषी ठहर भएका छन् ।
विशेष अदालतका न्यायाधीद्वय यमुना भट्टराई र खुशीराम थारुको संयुक्त इजलासले श्रेष्ठलाई भ्रष्टाचारमार्फत अकुत सम्पत्ति आर्जनमा दोषी ठहर गरेको विशेष अदालतका उपरजिस्ट्रार तथा सूचना अधिकारी धनबहादुर कार्कीले जानकारी दिए ।
“९८ लाख २९ हजार ५३७ रुपैया जरिवाना हुने र त्यसअनुरुपको बिगो जफत गर्ने फैसला भएको छ,” कार्कीले बाह्रखरीसँग भने, “फैसलाका पूर्ण पाठ केही समयपछि आउनेछ ।”
श्रेष्ठलाई जरिवानासहित ६ महिना कैद हुने फैसला भएको छ ।
अख्तियार दुरुपयोग अनुसन्धान आयोगले २०७८ फागुन १५ मा श्रेष्ठविरुद्ध विशेष अदालतमा मुद्दा दायर गरेको थियो । श्रेष्ठविरुद्ध चार करोड ४५ लाख २७ हजार ६६८ रुपैयाँ गैरकानुनी आर्जन गरेको भन्दै आयोगले गैरकानुनी सम्पत्ति आर्जनको मुद्दा दायर गरेको हो ।
नेपाल सरकारको पूर्वसचिवसमेत रहेका श्रेष्ठ खिलराज रेग्मी नेतृत्वको सरकारमा पर्यटनमन्त्री थिए ।