काठमाडौं । पछिल्ला केही दिनयता डेंगी संक्रमितको संख्या निरन्तर बढिरहेको छ । 

इपिडिमियोलोजी तथा रोग नियन्त्रण महाशाखाको तथ्यांकअनुसार दैनिक साढे ६ सयजना भन्दा बढीमा संक्रमण पुष्टि भइरहेको छ । 

जनवरीदेखि १९ सेप्टेम्बरसम्म २८ हजार ९ जना संक्रमित भएकोमा २३ सेप्टेम्बरमा यो संख्या २८ हजार ८०३ पुग्यो । 

एकैदिन थप ६६५ जना संक्रमित थप भइ २४ सेप्टेम्बरमा यो संख्या २९ हजार ४६८ पुगेको महाशाखाको तथ्यांक छ । 

सेप्टेम्बरका २४ दिनमा सात हजार ७७९ जना डेंगी संक्रमित थपिएका छन् । डेंगीबाट जुलाइयता १५ जनाको मृत्यु भएको छ । 

हालसम्म सबैभन्दा धेरै कोसी प्रदेशमा २२ हजार २२ जना संक्रमित भएका छन् । 

त्यस्तै, वाग्मतीमा चार हजार ३७२, मधेसमा ५६७, गण्डकीमा एक हजार ५२, लुम्बीनीमा ४९८, कर्णालीमा ८० र सुदूरपश्चिममा ८७७ जनामा संक्रमण पुष्टि भएको छ ।

काठमाडौं उपत्यकाका तीन जिल्लामा ९८९ जना संक्रमित भएको इडीसीडीको तथ्यांक छ ।