site stats
बाह्रखरी :: Baahrakhari
खेल
Global Ime bankGlobal Ime bank
‘ब्युटिबोन फ्र्याक्चर’ हुँदा ललितको शल्यक्रिया, चार हप्ता मैदानबाट बाहिर रहने   
फाइल तस्बिर ।

काठमाडौं । एसियाली खेलकुदको तयारीमा रहेको नेपाली राष्ट्रिय क्रिकेट टिमका प्रमुख बलर ललितनारायण राजवंशी घाइते भएका छन् ।

नेपाली क्रिकेट टिमका डा. अभिषेकराज सिंहले चोटका कारण शल्यक्रिया गर्नुपर्ने भएपछि ललित कम्तीमा चार हप्ता मैदानबाट बाहिर रहने बताए । चोटका कारण एसियाली खेलकुद गुमाउने भएका उनले ट्वान्टी–२० विश्वकप छनोट खेल्ने सम्भावना पनि कमजोर बनेको छ ।

“उनको दायाँ क्लाभिकल बोन (ब्युटिबोन)मा चोट लागेको छ । हाल बीएन्डबी अस्पतालमा शल्यक्रिया भइरहेको छ,” डा. सिंहले बाह्रखरीसित भने, “चोटका कारण चार हप्ता मैदानबाट बाहिरिने भएकाले एसियाली खेलकुदमा ललित सहभागी हुन पाउँदैनन् । हामी ट्वान्टी–२० विश्वकप छनोटअघि नै उनलाई मैदान फर्काउने प्रयासमा छौँ ।”

कीर्तिपुरमा प्रशिक्षणका क्रममा ललितको काँधको हड्डीमा चोटका लागेको हो । सन् २०१८ मा नेपाली टिमबाट ‘डेब्यु’ गरेका ललितले २३ एकदिवसीय अन्तर्राष्ट्रिय र १२ ट्वान्टी–२० अन्तर्राष्ट्रिय क्रिकेट खेलेका छन् । उनले एकदिवसीयमा २८ र ट्वान्टी–२० मा १० विकेट लिएका छन् ।

एसियाली खेलकुदमा पुरुष क्रिकेट यही सेप्टेम्बर २७ देखि अक्टोबर १ सम्म सञ्चालन हुने तालिका छ । नेपालले सेप्टेम्बर २७ मा मंगोलिया र अक्टोबर १ मा माल्दिभ्ससँग खेल्ने तय छ ।

प्रकाशित मिति: बिहीबार, असोज ४, २०८०  ११:४९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro