काठमाडौं । धादिङमा पछिल्लो दुई महिनायता स्क्रब टाइफसका बिरामीको संख्या बढेको छ । 

साउन १ गतेयता भदौ ३१ सम्म १३४ जनामा स्क्रब टाइफस पुष्टि भएको स्वास्थ्य कार्यालय धादिङले जनाएको छ । 

सबैभन्दा धेरै नीलकण्ठ नगरपालिकामा ८० जना बिरामी देखिएकोे कार्यालयको तथ्यांक छ । स्क्रब टाइफसकै कारण जिल्लाको सिद्धलेक गाउँपालिकामा एकजनाको मृत्यु भइसकेको छ ।

धादिङमा भदौ दोस्रो सातायता दैनिक १२ जनासम्म स्क्रब टाइफसका बिरामी थपिँदै गएको कार्यालयको तथ्यांक छ ।