site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
शरद् ऋतुमा मनास्लु हिमालबाटै उठ्यो झन्डै साढे तीन करोड रोयल्टी
तस्बिर : बेस क्याम्प एक्सकर्सन ।

काठमाडौं । शरद् ऋतुमा मनास्लु हिमाल आरोहणका लागि सबैभन्दा धेरै आरोहीले अनुमति लिएका छन् । नेपाल पर्यटन विभागका अनुसार भदौ २९ गते (सेप्टेम्बर १५ तारिख)सम्म ३०१ आरोहीले मनास्लु हिमाल आरोहणका लागि अनुमति लिएका छन् । जबकि, यस ऋतुका लागि विभिन्न ४७ देशबाट कुल ३३९ आरोहीले अमुमति लिएका छन् । 

भदौ २९ गतेसम्म शरद् ऋतुका लागि हिमाल चढ्ने आरोहीबाट कुल तीन करोड ६४ लाख ९९ हजार ५७७ रुपैयाँ रोयल्टी संकलन भएको छ । यसमध्ये मनास्लु हिमाबाट मात्र तीन करोड ४० लाख ३७ हजार ८२० रुपैयाँ रोयल्टी संकलन भएको छ ।

हिमाल आरोहणका लागि पर्यटन विभागले अनुमति दिन्छ ।

धौलागिरीबाट ११ लाख ९२ हजार ५० रुपैयाँ रोयल्टी संकलन भएको छ । मकालु एकबाट चार लाख ७६ हजार १०० रुपैयाँ रोयल्टी संकलन भएको विभागले जनाएको छ । 

कुम्भकर्णबाट एक लाख ९८ हजार र पथा हिमचुलीबाट एक लाख १२५ रुपैयाँ रोयल्टी संकलन भएको छ ।

विभागका अनुसार अन्नपुर्णबाट एक लाख ५८ हजार ९४०, रक्षा उराईबाट एक लाख पाँच हजार ६८० रुपैयाँ, हिमलुङ हिमाल, नेम्जुङबाट ६६ हजार ३७५ रुपैयाँ र थापा पिकबाट ३३ हजार ११२ रुपैयाँ रोयल्टी संकलन भएको विभागले जनाएको छ ।

प्रकाशित मिति: सोमबार, असोज १, २०८०  १६:००
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro