काठमाडौं । टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङले बहुप्रतिक्षित गाडी टाटा टियागो ईभी र टाटा पञ्च नेपाली बजारमा सार्वजनिक गरेको छ ।

काठमाडौंको भृकुटीमण्डपमा चलिरहेको नाडा अटो सोमा कम्पनीले यी प्रोडक्ट सार्वजनिक गरेको हो । पाँच भेरियन्टमा रहेको टियागो ईभीको एमआर एक्सईको मूल्य २१ लाख ९९ हजार रुपैयाँ रहेको छ । 

यस्तै एमआर एक्सटीको मूल्य २२ लाख ९९ हजार छ भने, एलआर एक्स्टीको मूल्य २५ लाख ४९ हजार रुपैयाँ रहेको छ । एलआर एक्सजेडप्लसको मूल्य २६ लाख ९९ हजार र एलआर एक्सजेड टेकको मूल्य २७ लाख ९९ हजार रुपैयाँ रहेको छ ।

अत्याधुनिक जीपट्रन प्रविधियुक्त टियागो ईभीमा पाँचवटा मुख्य विशेषता रहेका छन् । जसमा कार्य कुशलता, प्रविधि, विश्वास, चार्जिङ र आरामदायी रहेका छन् ।

क्रुज कन्ट्रोलसहितको टियागो ईभीमा अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्प लगायत विशेषताहरू रहेका छन् ।

यस्तै, अर्को गाडी नेक्सन ईभी एक्स जेट प्लसको ब्याट्री क्षमता ४०.५ किलोवाट र रेञ्ज ४५३  किलोमिटर रहेको छ । टियागो ईभी जस्ता अत्याधुनिक जीपट्रन प्रविधि भएको यस एसयूभीको बनावट आकर्षक रहेको छ ।

आरामको लागि पावर विन्डो र पूर्ण स्वचालित क्लाइमेट कन्ट्रोललगायत अन्य विशेषताहररू भएको नेक्सन ईभी एक्स जेट प्लसले अन्यभन्दा उत्कृष्ट सुरक्षाको प्रत्याभूति गर्दछ । 

सुरक्षाको लागि यसमा एन्टी–लक ब्रेकिङ सिस्टम, चाइल्ड सेफ्टी लक, ट्रयाक्सन जस्ता व्यवस्थाहरू छन् ।  नेक्सन ईभी म्याक्स एक्स जेड प्लसको सुरुवाती मूल्य ४५ लाख ९९ हजार रुपैयाँ रहेको छ ।

यस्तै टाटाको आईसीई ईभी 'न्यू फरेभ' रेञ्ज अन्तर्गतको टाटा पन्चका चार भेरियन्ट रहेको छ ।

जसमा पञ्च प्युरको मूल्य ३३ लाख ९९ हजार रुपैयाँ, पञ्च एडभेञ्चर एमटीको मूल्य ३७ लाख ४९ हजार रुपैयाँ रहेको छ ।

पञ्च अक्कोम्पलिस्ड एमटीको मूल्य ४० लाख ४९ हजार छ भने, पञ्च क्रिएटिभ एमटीको मूल्य ४३ लाख ४९ हजार रुपैयाँ रहेको छ ।

गाडीमा डिजाइन, विशेष कार्यक्षमता, फराकिलो इन्टेरिएर र पूर्ण सुरक्षा रहेको कम्पनीको दाबी छ ।

नयाँ युग सुहाउँदो सोच र प्रविधिमा आधारित यो गाडीले ग्राहकहरूको बदलिदो इच्छा एवं आकांक्षाहररूको परिपूर्ति गर्ने कम्पनीको दाबी छ ।