काठमाडौं । पायोनियर मोटो कर्पले निसान म्याग्नाइटको नयाँ संस्करण सार्वजनिक गर्ने भएको छ ।

नेपालमा सन् २०२१ मा सार्वजनिक भइ नेपाली बजारमा लोकप्रियता पाएको यो ‘बिग’, ‘बोल्ड’, ‘ब्युटिफुल’ र ‘कारिज्माटिक’ एसयूभी–निसान म्यागनाइट–अब अटोमेटेड मेनुअल ट्रान्समिसन–एएमटी) सहित उपलब्ध हुनेछ ।

निसान म्याग्नाइट एएमटीले स्वचालित ट्रान्समिसनको सहजतालाई–म्यानुअल ट्रान्समिसनमा चालकले अनुभव गर्ने बृहत्तम कन्ट्रोल र म्यानुअल ट्रान्समिसनको कार्यकुशलतासँग जोड्दै–दुवैतर्फको उत्कृष्ट सुविधा प्रदान गर्दछ ।

निसान म्याग्नाइटको नयाँ एएमटी गाडी पाँच मुख्य भेरियन्टमा उपलब्ध हुनेछ । जुनः एक्सएल एमआईडी, एक्सभी उप्पर, एक्सभी उप्पर दुयल, एक्सभी प्रिमियम÷एक्सभी प्रिमियम दुयल रहेको छ ।

“निसान म्याग्नाइटमा नयाँ एएमटि सुविधा आउनुले–निसानको निरन्तर इनोभेसनद्वारा ग्राहकलाई समृद्ध ड्राइभिङ अनुभव प्रदान गर्ने सुविधालाई झल्काउँछ,” निसान मोटर साउथ एसिया बिजनेस युनिटका प्रमुख रघुनाथ नैरलेले भने ।

“म्याग्नाइटमा रहेको नयाँ एएमटी सुविधा नेपाली उपभोक्ताहरूको आवश्यकताअनुसार निकै उपयोगी हुनेछ । यसले म्यानुअल र स्वचालित ट्रान्समिसन दुवैलाई उत्कृष्ट संयोजन गर्दै नेपाली सडकका लागि सुविधाजनक ड्राइभिङ अनुभव प्रदान गर्दछ,” पायोनियर मोटो कर्पका प्रबन्ध निर्देशक सन्दीपकुमार सारडाले भने ।

निसान म्यागनाइट एएमटी चाँडै नै देशव्यापी रूपमा उपलब्ध हुने छ । म्यागनाइट एएमटीको लन्च नाडा अटो शोमा हुने छ ।