काठमाडौं । सिप्रदी अटो पार्ट्सले काठमाडौं उपत्यकामा ‘रिटेलर्स मिट’ र ‘टाटा गुरु सम्मान’ कार्यक्रम आयोजना गरेको छ ।

सिप्रदीका प्रमुख कार्यकारी अधिकृत राजनबाबु श्रेष्ठ र टाटा मोटर्सका इन्टरनेसनल बिजनेस हेड राकेश मित्तलको विशेष उपस्थितिमा सिप्रदी अटोपार्ट्सका वरिष्ठ महाप्रबन्धक युवराज बुढाथोकीले कार्यक्रम सुरु गरेका हुन् ।

टाटा लाई टाटा नै सही भन्ने नारासहित सञ्चालन गरिएको कार्यक्रममा सिप्रदीका सीईओ श्रेष्ठले सबैको साथ पाएर मात्र टाटा नेपालमा अटोमोबाइलको क्षेत्रमा नम्बर एक स्थानमा रहेको बताएका छन् । सिप्रदी पनि सबै रिटेलर्स, मेकानिक्स र ग्राहकलाइ साथमा लिएर अगाडि बढिरहेको उनले बताए ।

सिप्रदीले हालै तीन दिन तालिम लिएका २५ जना प्राविधिकलाई प्रमाणपत्र वितरण गरी सम्मानित गरेको छ । श्रेष्ठले ग्राहकलाई टाटा जेन्युइन पार्ट्स र टाटा मोटर्स जेन्युइन आयल सहज, सुलभ र सहुलियतरूपमा उपलब्ध होस् भनी सिप्रदीले अनलाइन स्टोर दराजसँग समझौता गरी दराजमा पनि उपलब्ध गराएको बताएका छन् ।