site stats
बाह्रखरी :: Baahrakhari
खेल
Global Ime bankGlobal Ime bank
थाइल्यान्ड बाधक बन्दा ट्वान्टी–२० विश्वकप एसिया छनोटबाटै बाहिरियो नेपाल

काठमाडौं । थाइल्यान्डसँग ४६ रनको हार व्यहोरेसँगै नेपाली राष्ट्रिय महिला क्रिकेट टिम आईसीसी ट्वान्टी–२० विश्वकप एसिया क्षेत्र छनोटबाटै बाहिरिएको छ । 

मलेसियाको बांगीमा शुक्रबार बिहान सम्पन्न खेलमा थाइल्यान्डले प्रस्तुत गरेको १०६ रनको लक्ष्य पछ्याउने क्रममा नेपाल १९.३ ओभरमा ५९ रनमै समेटियो । 

थाइल्यान्डविरुद्ध नेपालका कुनै पनि ब्याटरले खुलेर खेल्न सकेनन् । कविता कुँवरले १७ रन जोड्दा कविता जोशी र अप्सरी बेगमले समान १० रन थपे । यसबाहेक, अन्य ब्याटरले दोहोरो अंकमा रन जोड्न सकेनन् । 

थाइल्यान्डविरुद्ध नेपालका तीन ब्याटर ‘डक’ भएका थिए । ओपनर काजल श्रेष्ठ, कप्तान रुविना क्षेत्री र विन्दु रावल शून्यमै पभेलियन फर्किएका थिए । 

नेपाललाई सस्तैमा समेट्न थाइल्यान्डकी थिपाच पुथावाङ र ओनिचा काम्चोम्फुले समान तीन विकेट लिइन् । पुथावाङ ३.३ ओभर बलिङ गर्दा एक मेडन राख्दै पाँच रनमात्र खर्चिइन् । काम्चोम्फुले तीन ओभर बलिङ गर्दा ६ रनमात्र खर्चिइन् । 

नाताया बुचाथामले दुई विकेट लिँदा फनिता माया र सुनिदा चतुरोङ्ग्रातनाले समान एक विकेट लिए । 

त्यसअघि टस हारेर ब्याटिङमा आएको थाइल्यान्डले निर्धारित २० ओभरमा दुई विकेट गुमाएर १०५ रनको योगफल खडा गरेको थियो । 

थाइल्यान्डकी नानापाट कोङ्चारोएन्काईले अविजित ५९ रन बनाइन् । उनले ६३ बलमा चार चौका प्रहार गरिन् । नाथकान चन्थामले ३२ र चनिदा सुथिरुएङ्गले ११ रन थपे । 

नेपालका कविता कुँवर र पुजा महत्तोले समान एक विकेट लिए । यो हारसँगै नेपाल ट्वान्टी–२० विश्वकपको ग्लोबल छनोटमा पुग्न असफल हुँदा थाइल्यान्डले भने स्थान निश्चित गरेको छ ।

थाइल्यान्डले अब एसिया छनोटको उपाधिका लागि शनिबार युनाइटेड अरब इमिरेट्स (यूएई)विरुद्ध खेल्नेछ । यूएईले आजै भएको पहिलो सेमिफाइनलमा हङकङलाई ५७ रनले हराउँदै फाइनल यात्रा तय गरेको हो ।

प्रकाशित मिति: शुक्रबार, भदौ २२, २०८०  १३:०३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro