काठमाडौं । बेलायती दैनिक पत्रिका दि गार्जियनले च्याटजीपीटीको अभिभावक संस्था ओपनएआईलाई आफ्नो सामग्री प्रयोग गर्न प्रतिबन्ध लगाएको छ ।
ओपनएआईले विभिन्न कम्पनीका कन्टेटहरू लाइसेन्सबिना नै आफ्ना आर्टिफिसियल इन्टेलिजेन्स (एआई) टुलमार्फत प्रयोग गरिरहेको छ ।
यस विषयमा कयौँले आफ्नो वौद्धिक सम्पत्तिको रक्षाका लागि ओपनएआईविरुद्ध मुद्दा नै अघि बढाउन थालेका छन् ।
गार्जियनले ओपनएआईलाई आफ्ना सामग्री प्रयोग गर्न रोक लगाएको पुष्टि गरेको छ ।
गत वर्ष च्याटजीपीटी च्याटबोटको सफलतापछि मानिसहरूले सोधेको सामान्य प्रश्नबाट भरपर्दाे लेख, तस्बिर र अडियो उत्पादन गर्नसक्ने जेनेरेटिभ एआई टेक्नोलोजीले प्रविधिका क्षेत्रमा ठूलो स्थान पाएको छ ।
तर, यसले गलत सूचना प्रसारण गर्न सक्ने र यी टुलहरू कसरी बनिरहेका छन् भनेर सुरक्षा चिन्ता पनि बढेको छ ।
च्याटजीपीटी र यस किसिमका एआई टुलहरूले इन्टरनेटमा मिल्ने ठूलो मात्राको जानकारी वा सूचनाको डाटालाई विश्लेषण गरी मानिसले सोधेको प्रश्नको जवाफ दिने गर्छन् ।
तर, यस्ता टुलहरूले आफ्नो व्यावसायिक उद्देश्यका लागि अरूको बौद्धिक सम्पत्ति प्रयोग गरिरहेको भन्दै विरोध हुन थालेको छ ।
दी गार्जियनबाट ।
