काठमाडौं । इराकले अगस्टमा १० करोड ६० लाख ब्यारेलभन्दा बढी कच्चा तेल निर्यात गरेको छ । त्यसबाट ८.८५ बिलियन अमेरिकी डलर राजस्व संकलन गरिएको छ ।

अगस्टमा इराकी कच्चा तेलको औसत मूल्य प्रतिब्यारेल ८३.३५ डलर थियो । मध्य र दक्षिणी इराकबाट बसरा बन्दरगाहमार्फत करिब १०५.२३ मिलियन ब्यारेल, उत्तरी प्रान्त निनेवेहकको कयारा क्षेत्रबाट चार लाख २१ हजार १८६ ब्यारेल र छिमेकी जोर्डनमा चार लाख ६४ हजार ७२५ ब्यारेल तेल पठाइएको बताइएको छ ।

इराकको अर्थतन्त्र कच्चा तेलमा निर्भर छ । त्यसले देशको राजस्वको ९० प्रतिशतभन्दा बढी हिस्सा ओगटेको छ । सिन्ह्वा/न्युज एजेन्सी नेपाल