काठमाडौं । नेपाल उद्योग परिसंघका उपाध्यक्ष विरेन्द्रराज पाण्डेले बैंकको ब्यादर नघटेसम्म व्यवसायमा विकास हुन नसक्ने बताएका छन् । बुधबार काठमाडौंमा बाह्रखरी मिडियाले आयोजना गरेको 'निजी क्षेत्रको आवाज' विषयक बृहत् छलफल कार्यक्रममा पाण्डेले ब्याजदर घट्नुपर्ने बताएका हुन् । 

"उच्च ब्याजदर, नगद प्रवाहमा समस्या, उत्पादमा कमी, लगानीयोग्य योजना स्थगन, पुँजीगत खर्चमा भएको कमीलगागयतका कारणले व्यवसायीको मनोवल घट्दो अवस्थामा छ । यस्ता प्रमुख चुनौतीमा सामाना गर्दै माथि उकास्न निजी क्षेत्रको मनोवल बढाउनुपर्छ," उनले भने, "सरकारले गत वर्षको तुलनमा ४० प्रतिशत बढी राजस्व उठाउने भनेको छ । यसले ६ प्रतिशत अर्थतन्त्तको वृद्धि देखिँदैन । हामीले पुँजीगत खर्च बढाउने र खर्च गर्ने गर्नुपर्छ  ।" 

उनले बजेटको प्रभावकारी कार्यान्वयन गर्नुपर्नेमा पनि जोड दिए । गत वर्षको तुलनामा ११ प्रतिशत कम खर्च भएको बताउँदै उनले खर्च नभए अर्थतन्त्र संकुचन हुने बताए ।

पाण्डेले सबै राजदनीतिक दलले पहिलो प्राथमिकता आर्थिक विकासलाई राख्नुपर्ने बताए ।