![कोसी प्रदेशसभा सञ्चालन गर्ने सत्ता गठबन्धनको निर्णय, आजै मुख्यमन्त्रीले विश्वासको मत लिने तयारी](https://12khari.top/uploads/posts/Uddav thapa1688657181.jpg)
काठमाडौं । सत्ता गठबन्धनले कोसी प्रदेशसभा सञ्चालन गरी आजै विश्वासको मत लिने निर्णय गरेको छ ।
विश्वासको मत लिने प्रयोजनका लागि सभामुखको भूमिकामा रहेकी उपसभामुख सिर्जना दनुवारले आजका लागि बैठक डाकेकी थिइन् । तर, दनुवार स्वयम् अनुपस्थित भएर अस्पताल भर्ना भएको जानकारी गराएपछि विश्वासको मतमा एमालेले गरेको राजनीतिका रूपमा सत्ता गठबन्धनले अथ्र्याएको छ ।
उपसभामुखले बैठक स्थगित नगरी अनुपस्थित मात्र भएपछि विश्वासको मतमा असहयोग गरेको रूपमा सत्ता गठबन्धनले अथ्र्याएको हो । कार्यव्यवस्था परामर्श समितिले आज दिउँसो ३ बजेका लागि बैठक राखेको छ ।
बैठकमा मुख्यमन्त्री उद्धव थापाले विश्वासको मत पनि लिने गठबन्धनको तयारी छ । माओवादी संसदीय दलका नेता इन्द्र आङ्वोले मत लिने निर्णय भएको जानकारी दिए ।
![Global Ime bank](https://baahrakhari.com/uploads/bigyaapan/30885600.gif)
सभाको सञ्चालन अध्यक्षमण्डलका सदस्य इसराइल मन्सुरीले गर्ने बताइएको छ ।