काठमाडौं । ठूलो ऋणमा डुबेको चिनियाँ घरजग्गा कारोबार गर्ने कम्पनी एभरग्रान्ड टाट पल्टिएको छ । ऋण भुक्तानी गर्न असफल भएपछि कम्पनीले अमेरिकी अदालतमा ‘बैंकरप्सी’ दर्ता गरेको हो ।

कम्पनीले बैंकरप्सीसम्बन्धी व्यवस्थाको १५ नम्बर च्याप्टरअन्तर्गत सुरक्षाका लागि अदालतमा निवेदन दिएको हो । यो कानुनी व्यवस्थाले अमेरिकी बैंकरप्सी अदालतलाई कम्पनीको ऋण पुनर्संरचना र भुक्तानका लागि मद्दत गर्छ ।

सन् २०२१ मा कोभिड–१९ को महामारीका बेला चिनियाँ अधिकारीहरूले घर जग्गा व्यापारका क्षेत्रमा कडाइ गरेयता कम्पनी ३०० अर्ब डलरक ऋण तिर्न संघर्ष गरिरहेको थियो ।