सिरहा । सिरहामा स्रोत नखुलेको रकमसहित एकजना पक्राउ परेका छन् ।

आठ लाख दुई हजार नेपाली रुपैयाँ र ४६ हजार १०० भारुसहित सिरहा नगरपालिका–१७, माडर टोलबाट सोही ठाउँका ४८ वर्षीय सञ्जीवकुमार साहलाई शुक्रबार दिउँसो प्रहरीले नियन्त्रणमा लिएको हो ।

भारतबाट नेपालतर्फ आउँदै गरेको बा१२प १६३७ नम्बरको मोटरसाइकलका चालक साहलाई उक्त नगदसहित फेला पारी पक्राउ गरिएको प्रहरीले जनाएको छ ।

उनलाई आवश्यक अनुसन्धान एवं कारबाहीका लागि राजस्व अनुसन्धान कार्यालय इटहरीमा पठाइएको छ ।