काठमाडौं । काठमाडौंमा जुवातास खेलिरहेको अवस्थामा ६ जना पक्राउ परेका छन् ।

काठमाडौं महानगरपालिका–१६, कुमारीथान बस्ने विजय थापाको घरमा जुवातास खेलिरहेको अवस्थामा शुक्रबार राति प्रहरीले उनीहरूलाई नियन्त्रणमा लिएको हो ।

पक्राउ पर्नेमा सोही ठाउँमा बस्दै आएकी झापाको कनकाई नगरपालिका–२ घर भएकी ३५ वर्षीया पदमा मगरसहित ६ जना छन् ।

प्रहरी वृत्त बालाजुबाट खटिएको टोलीले उनीहरूलाई नगद दुई लाख चार हजार ७१५ रुपैयाँ र एक बुक ताससहित पक्राउ गरेको जनाइएको छ ।