site stats
बाह्रखरी :: Baahrakhari
राजनीति
Global Ime bankGlobal Ime bank
एनपी साउदले भने– झन्डै ४० प्रतिशत कांग्रेसीले कांग्रेसलाई भोट दिँदैनन् 
फाइल तस्बिर ।

काठमाडौं । परराष्ट्रमन्त्री समेत रहेका नेपाली कांग्रेसका केन्द्रीय सदस्य एनपी साउदले झन्डै ४० प्रतिशत कांग्रेसीले कांग्रेसलाई नै भोट नहाल्ने गरेको बताएका छन् ।

यही साउन २ गतेदेखि सानेपामा जारी पार्टीको केन्द्रीय कार्यसमितिको बैठकमा आइतबार उनले केन्द्रले सदस्यता वितरण गर्दा कांग्रेसलाई नै भोट नहाल्ने मान्छेसम्म पार्टी सदस्य पुग्ने गरेको उल्लेख गरे ।

“सदस्य वितरणको केन्द्र वार्डलाई बनाउनुपर्छ । सदस्यताको चाङ जति बढाए पनि गाउँगाउँमा क्रियाशीलता बढेन भने त्यसले परिणाम दिन सक्दैन,” साउदले भने, “मेरै वडाका २० प्रतिशत सदस्यले कांग्रेसलाई भोट दिँदैनन् । अरू २० प्रतिशतले कुनै न कुनै पदमा कांग्रेसलाई भोट दिँदैनन् ।”

कांग्रेस सत्ताकेन्द्रित भएको विपक्षीले आरोप लगाउँदा पार्टीभित्रकै मान्छे समेत बहकिएको उनको भनाइ छ । तर, कांग्रेसलाई ‘म्यान्डेट’ नै सत्तामा जाने रहेको उनले बताए ।

“कांग्रेस सत्तामा जान मात्र खोज्ने भनिँदै छ, कांग्रेस सत्ताकेन्द्रित हो भन्ने भाष्य निर्माण गरिँदै छ,” उनले भने, “वास्तवमा कांग्रेसलाई सबैभन्दा धेरै सत्ताको म्यान्डेट छ । यो गठबन्धनले बहुमत मागेको हो र गठबन्धनबाटै कांग्रेस सरकारमा छ ।”

संसद्मा प्रतिपक्ष बलियो हुनु प्रजातन्त्रको हितमा रहेको भन्दै उनले ऐन, नियम र कानुनका विषयमा आफ्नो पार्टीका सांसदको भूमिका प्रभावकारी हुन आवश्यक रहेको बताए ।

प्रकाशित मिति: आइतबार, साउन ७, २०८०  १४:५६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro