काठमाडौं । जर्मन क्लब बायर्न म्युनिखले प्रि-सिजनको पहिलो खेलमा स्थानीय क्लब रोट्याच-एगर्नविरुद्ध २७-० को फराकिलो जित निकालेको छ ।

मंगलबार राति भएको खेलमा एगर्नविरुद्ध बायर्नका १३ खेलाडीले गोल गरेका थिए । जसमध्ये जमल मुसियाला, म्याथिस टेल र मार्सेल साबिट्जरले पाँच-पाँच गोल गरे ।

खेलको पहिलो हाफमा नै बायर्नले एगर्नविरुद्ध १८ गोल गरेका थियो । तर, दोस्रो हाफमा भने बायर्नले नौ गोलमात्र थप्न सफल भयो ।

बायर्नको यो फराकिलो जिनमा सर्जी गिन्याब्रीले ह्याट्रिक गरे । यसबाहेक, अल्फान्सो डेभिस, कोनरार्ड लाइमेर, नौसाइर माजराओइ, ड्याओट उपामेकानो, लोरे साने, रफाइल गुइरेरो, र्यान ग्राभेन्बेर्च, किंस्ले कोमन र साडियो माने बायर्नका लागि गोल गर्ने अन्य खेलाडी थिए ।

बायर्नले यसअघि पनि एगर्नलाई सन् २०१९ मा २३-० ले हराएको थियो ।